|
Rutes variaes del Grupu Poco a Poco
de
Mieres del Camín
|
|
Ruta Brañavalera - Monte Mofosu - Mieres. |
Grupu Poco a Poco. Mieres. Ruta Brañavalera - Monte Mofosu. Féxose'l 25 de Payares 2006.
Itinerariu: Mieres - Pola de L.lena – Campumanes - Zurea – El Val.le – Campa "La Gal.lina" - Brañavalera – Altu "La Cobertoria" – Val.le Peral – Collau Ablaneu - Muñón –
Mieres.
Ciclabilidad: Ye total, discurriendo la mitá, mas ó menos, del itinerariu per carreteres secundaries yel restu per bones pistes, abondos senderos y caminos forestales.
Hai tramos especialmente duros, sobre todo a la salida d'El Vallespan.
Saliendo de la plaza del Ayuntamientu rodamos pel paseu del ríu Caudal y siguiéndolu en todu su trayectu en direicción sur, pasamos
xunto a Uxo,Los Tableros y Sanriella, pa continuar a Vil.layana, onde coyemos de nuevo la pista que discurre ente'l ríu y la autopista. Sin
entrar en Pola de L.lena, seguimos pela carretera llocal que va hacia'l Val.le pa tomar, nel barriu de Chencia, la nueva sienda fluvial qu'avanza,
sin pérdida, fasta l'antigua estación del ferrocarril de "La Cobertoria."
Continuando pela antigua nacional, l.legamos a Campumanes( Km 17.00) para desviarnos pola carretera del val.le del Huerna fasta Sotiel.lu, onde xiramos pola comarcal
que empobina a Zureda y El Val.le (Km 22.00).
A la salida d'esta aldea ya coyemos la empinada pista de tierra que, "pocu a pocu" y en dura ascensión, nos va introduciendo sin pérdida nel preciosu bosque de faya
y roble, sorteáu népocas de humedad per regueres de torrentera. En pocos kilómetros de subida alcanzamos los 590 metros d'altitud nel mayau Fidiechu (Km 26.00),
que tién unes perguapes vistes panorámiques sobre'l val.le del Huerna y la Cordillera Cantábrica.
Per la pista evidente y de buen firme, continuamos hacia la campa "La Gal.lina" (Km 28.00) onde güeyamos una ablucante panorámica de Peña Rueda al frente
y dexamos el macizu de Ubiña al fondo. Con un día despexau podemos divisar igualmente la Sierra del Aramu al fondu, las aldeas de Cortes y Lindes a nuestros pies,
además d' otros hermosos paraxes.
La pista xira levemente hacia la derecha pa salvar un suave repechu y afrontar un
guapu tramu que nos llevará hacia una mancha d'acebos floridos que componen un llugar encantaor
y máxicu. Continuamos trevesando carrascos y mayaos p'abandonar el Conceyu de L.lena y adentrarnos nel
Conceyu de Quirós, trevesando una frondosa mancha forestal. Pola baxada nos amiyamos a la carretera llocal qu'empobina dende'l pueblu de Las L.lanas
fasta La Cobertoria.
Equí coyemos la carretera y baxamos en direicción a Pola de L.lena pa, dempués de pasar sobre'l área recreativa del Val.le Peral, tomar la pista que sale a la izquierda de la carretera. Seguimos
la direicción de la misma y tamién sin pérdida porque ya coincide con señalizaciones d' un senderu de pequeñu
percorríu del Conceyu L.lenense, seguimos
hacia'l mayau d'Ablaneu pa descender a Muñon fonderu y regresar hacia Mieres.
Ruta facilitada por Maximín Pazos del Grupu Btt Poco a Poco.
|
Travesía Navaliegu / Longalendu |
Dientru’l paisaxe Mierense sorpréndenos pola so guapura, los Cordales de Longalendu y Navaliegu. El primeru d’ellos, de 12,5 Km. de llongura,
entama a los pies d’Uxo - Taruelo, empobinándose hacia l’oriente hasta finar na cumbre de Burra
Blanca, d’equí en direición al Tres Conceyos álzase’l Cordal de Navaliego.
Ambos cordales fueron declaraos paisaxe protexíu, polo que vamos facer una ruta en bici de montaña pelos sos confines, pa deleitanos
d’un contornu dignu d’almirar y respetar.
Entamamos na llocalidá ayerana de Cabañaquinta, pela carretera AS- 252 en direición a P. Llaviana hasta La Collaona (850 m.); D’equí sal la pista d’Icona de más
de 13 Km. pela cual vamos a rodar hacia l’oeste.
Nun principiu bordeamos les lomes de Mental, Tambarón, Cueto y La Carbona, hasta
llegar a unes portielles que
pesllen los praos de La Colla Caballos. Pasando l’últimu cierre, y siempre
pela pista principal ( dexando’l desvíu de la manzorga que nos lleva a Orillés
per Tercies), tamos baxo les estribaciones de Burra Blanca.
Llegamos a la Collada l’Ablanu (1015 m.), onde esisten indicios d’una antigua
esplotación a cielu abiertu. Pasamos pela cara sur del Cuetu Ventosu, subiendo
levemente llegamos al Collau El Tornu (1040 m.) p’adentranos nel Valle de Turón.
Baxando disfrutamos de la zona norte de Longalendu.
|
Navaliegu-Longalendu |
Damos güeyu sobre l’hermosu valle de Lloreo, contemplando tola guapura de la
Güeria d’Urbiés. Vamos bordeando los picos Orios, Grandes y Culladiella o
Navaliegu, too ello almirando guapos exemplares de faya.
Yá pencima de Tablao, y pasando Sierros Negros, llegamos al Mayau Espines, llugar
afayaízu pal descansu y coyer agua na fuente. N’Espines xúntanse pel
norte una pista que nos lleva a Villandio, y otra pel sur que nos acerca a Piñeres.
Dempués del descansu, percorriendo parte de la lladera norte del Cuetu Ongosa en direición
al Semillero, baxamos pa Villandio.
Recorremos la Senda Verde y vamos hacia La Veguina, Figareo y Mieres, habiendo disfrutao d’una
xornada montañera d’ablucante guapura.
|
Camín Francés - Ruta del Marabiu - Trubia
|
Realizada el 23 de Marzo del 2002
|
Xunto la Ermita Santa Ana |
La Sierra de Tameza ta compartía per los Conceyos Proaza, Teverga y per el
conceyu que-y da nome, Yermes y Tameza. Trátase d' una de les ramificaciones
caberes
del llargu Cordal de La Mesa. La máxima altitud d'esta sierra ye el Picu Caldoveiro,
de 1357m. de altitud.
Aunque de modesta altitud, La Sierra de Tameza ofrez un paisaxe singular repletu
d'interés y guapura. Los pequeños llagos que se distribuyen per les veges más
altes y las majadas con cabanes d'antiguo estilu celta (corros) son, atractivos de la zona.
Tamién hai pequeños bosques en los que abondan los carrascos, cuyos frutos servían
d'alimentu a los osos que nun fai muncho tiempu
habitaban nesta sierra.
Comu en tantos otros cordales, nela Sierra de Tameza, existía un antiguu camín que servía de comunicación
per lo más cimero de sus cumbres, al Conceyu de Teverga
con el restu de la provincia.
Esti accesu yera más fácil, naquel entonces, que
per el desfilaeru que actualmente utilizáse. Aquél vieyu camín curiosamente
nomáu "Camín
Francés” aún se conserva n'aceptable estau, lo que fai suponer que nél se han producido
meyores a través de los años, sin duda pa usu de los ganaeros del Conceyu de Proaza principalmente.
Partiendo del Marabiu (Teverga) y utilizando el Camín Francés se puén facer una serie de
rutes d'un indudable interés, toes elles mui apropiaes pa la bicicleta de montaña.
1°- Gradura - Marabiu
Salimos del pueblu de Gradura pa subir el Altu del Marabiu. Ye una subía asfaltá,
tomamos la
desviación a la mandrecha nel pueblu de Hedrade, con direición a Tameza pa llegar a la Ermita de Santa Ana,
nel Altu del Marabiu. Ya nel altu continuamos per la carretera
durante unos 2 Km. y coyemos una “caleya” que empobina a la mandrecha en
direición al Picu Caldoveiro, La caleya fina al
llegar a una zona de cabanes y hai que dar algunos recobecos hasta topar el vieyu
camín que sube atravesando un tupíu bosquecillo. A la salía del
bosque la senda zigzaguea per una loma. Zona poco ciclable.
Estos zig-zag son conocíos comu Les Vueltes de Cubiella y nelles dejánse ver,
mediu escondíese nela yerba, les piedres de la antigua armadura del camín.
Llégase asína a un primer colláu próximu a la cume del Caldoveiro. Al otru llau
alcúentrase el Llagu La Tambaina, ocupando el fondu d'un pequenu "jou".
Atravesar esta depresión siguiendo les trazes del vieyu camín, que mézclase
con otros más actuales, hasta el colladu opuestu.
2°- Altu de Santiago.
L'otru llau d'esti nuevu colladu, agúellase una serie de pequenes llagunes
ente les que alcúentrase el Llagu de La Barrera, así nomáu per el muru que lu
fai aumentar artificialmente de nivel. Seguir el camín atravesando esta segunda
depresión, y salir a una zona más abierta con vistes ya hacia el Valle de Proaza. El
camín rodea per l'este les cumes de los Forcaos Vieyos y alcanza
una perguapa praera salpicá per dalgunes cabanes.
3°- Campa San Bartuelo.
Equí piérdese'l camín. Hai que atravesar la praera baxando hacia un
pequena viesca que arrímase a la pena pa enllaciar con el camín nuevamente. Nun par de zig-zag
ganánse unos metros per la manzorga y alcánzanse un llargu colláu, situáu xusto
enriba de Cueva Llagar. Merez la pena baxar a vela.
4º- Cantu de La Flecha.
A partir del colláu, el camín ye bien visible cortando horizontalmente les
laderes orientales del Meadorio. A lo cabero de la travesía, y tras otru cortu ziz-zag
gánanse un pequeñu colláu ente penes (hai una portiella metalica) per la cual
pásase a les Brañes de Linares. Seguir el camín hasta tomar pie nuna loma en
cuyu extremu vése una antena. Una vez en sus
proximidades enlázase ya con la carretera, a l'altura de Linares.
5º- Linares
Ahora toca baxar per una carretera asfaltá. Llegamos primero a Castañedo del Monte y
lluego a
San Andrés, ya vemos al fondu el valle del Río Trubia.
6º- San Andrés.
Atravesamos el vieyu puente y ya tamos nel pueblu a la altura d'un chigre con
patiu a la entrada. Seguimos la caleya, (ésta ye a veces de tierra y otras veces
tá
con hormigón), ya nun queda na, pués en menos de 5 Km. ya tamos en la
villa de Trubia, onde fina nuestra travesía.
|
|
Cueva Llagar |
|
|
Las Médulas.
El Bierzo (29 Km.). Patrimonio de la Humanidad
|
Realizada el 25 de Mayo del 2002
|
Foto enviada por Marcos |
Paraje
único en el mundo, silencioso tributo al agua que robó el oro a la montaña.
Por la nacional 536 al sur del Bierzo nos dirigimos en dirección a Ponferrada,
para llegar al pueblo de Borrenes, donde empezaremos la travesía.
La ruta de Las Médulas (V
Concentración Asturias-Bierzo) se va a iniciar en el pueblo de Borrenes ( a 20
km de Ponferrada) para pasar por los pueblos de Chana, Voces y Orellán hasta
llegar al Mirador de Orellán desde donde se divisa el Gran Circo Minero
de Las Medulas (parada y fotos etc..). Lugar de privilegio para contemplar las características
y el sistema de explotación del yacimiento aurífero, con los vestigios de
canales que se aproximan desde el monte Placías, por los que se conducía el
agua que horadó la montaña. En esta zona podremos visitar la Galería de Orellán.
Retomamos las bicis para recorrer los canales y bajar al pueblo de Médulas para
visitar las grandes cuevas, La Encantada y La Cuevona. Los adjetivos sobran ante
los reductos de aquella ingeniería descomunal. A la entrada de este acogedor
pueblo, nos topamos con el Aula arqueológica Las Médulas de visita obligada.
Partiremos hasta el Lago de los Nenúfares y posteriormente por carretera
asfaltada iniciaremos descenso hasta el Lago de Carucedo, pasaremos por el
pueblo de Carucedo y tras cinco Km. se llegará al punto de partida Borrenes.
Cogeremos el autobús y los coches y nos iremos para el Alto de San Bartolo ( 45 min.),después de atravesar El Bierzo.
|
Circuitu Monte Teyerona
|
Grupu Poco a Poco. Mieres , 2001
Llonxitú:20 Km.
Época recomendada: Siempre que té seco,sinon ye ruta de barru.Lo mexor en Branu y Primavera.
Puntos d'agua: Hai munches fuentes.¿Quien dixo poblemes d'agua nel conceyu de Mieres?.La meyor fuente tá en La Teyerona.
Perfil de la ruta |
Monte Teyerona
|
Descripción:
El puntu de partida ye'l Paseu Fluvial de Mieres, pa empobinar desde ellí, a traviés del puente de Siana y de la cai Manuel Llaneza, hasta la plaza de
Requexo.
Una vez nesti puntu, cuéyese la carretera provincial que xunta Mieres con Sama per L'Altu de Santumianu, y despuéd de caminar per ella 800 metros, xunto a una gasolinera
topamos a manzorga un cruceru qu'indica la subida al pueblo de La Matinada.
Pa llegar hasta La Matinada hai qu'enfrentase a una subida de 4,5 Km., con graos de pendiente qui bancien entre un 6% y un 13%.
Atraviésase el pueblu de La Matinada pa tomar en llano y a la salida una pista que, tres pasar pel llavaieru del pueblu, empobinamos hasta la fastera del monte
de La Teyerona. Una vez pasáu esti tramu y dexando'l monte de La Teyerona a la mandrecha, coxemos a la manzorga una pista descendente que nos empobina hasta'l
pueblu d'Estayes.
Ná más entrar n'Estayes, alcuéntrase a manzorga xunto a una cuadra en ruines, un camín que va patrás y pa abaxo y que llega hasta
Canturreondu. Este camín tien 600 metros y ye perfeutamente ciclable, anque conlleva les dificultaes propies d'un camín estrechu y empedráu.
Aproximadamente 100 metros anantes de llegar a Canturreondu, planada de l'antigua mina de carbón nominada El Bravu, traviésase una pista que
garrándola a la mandrecha y a lo llargo de 800 metros, llevanos hasta'l pueblu de Prau Cimera. En tiempo lluviosu esta zona alcuéntrase embarrada.
Desde Prau Cimera, per una pista ancha afayadiza pa circular vehículos, llegamos después de 2,5 Km., a los pueblos de La Vega y Trapa, asitiaos na carretera que
xunce Sama con Mieres.
Desde equí sólo queda baxar per la carretera hasta Mieres, pasando pelos pueblos de San Tirso, La Texera, El Tarronal y La Peña.
N'el cruce d'esta carretera y la nacional 634, tórnase a la manzorga y en 2 Km., más ya tamos en Mieres.
|
Circuitu pel Mayáu Porrín (42,5 Km.)
|
Grupu Poco a Poco. Mieres,2001
Llonxitú:42.5 Km.
Época recomendada:Siempre ye buena época si nun llueve.
Puntos d'agua:Hay munches fuentes, nun hai poblema d'agua.En xeneral la zona tá mui poblada. Güeyu p'algunos,recomiéndase llevar bota, pues yá se sabe.......
Perfil de la ruta |
El percorríu parte del Paséu Fluvial de Mieres. El primer tramu de 8 Km. va dende Mieres a Turón. Fadrémoslu pela la comarcal en direición a Santuyano y Uxo, y desde equí dir a Figareo(carretera nacional) hasta il cruceru cola comarcal de Turón,pa llegar al centru del valle
per carretera con una llixera subía del 1%.De Turón a Enterríos ye una xubida de 7,3 Km. con pendiente del 2% y repechos del 5%.Desde equí hasta Urbiés la media ye del6%.
Agora l'ascensión más dura. Emtama na cuesta de la Ilesia con un 9% y lluéu una media del 6% pa llegar al Cruce. Una vez equí, falta llegar al Altu la Faya. Son 2 Km. de
percorríu, pa lluego llegar a una campera nomada "La Campa les Abeyes"
Pasamos agora a un tramu de 1.3 Km. ciclable el 90% per un camín estrenchu, pa llegar per
una pista a La Cerecina. Desde equí al Mayáu Porrín, pocu más d'un kilómetro ye per pista.
Entamamos el descensu a El Cabu per un camín empedráu en so mayor parte y con brincos. Al final del camín y a lo llargo de 3 Km. llegamos ente finques y praos al pueblu
El Cabu. Agora too fácil, baxamos 4.7 Km. hasta Santumianu a traviés d'una carretera comarcal llana dafechu.
|
Ruta Monasteriu d'Ermu - Cangas del Narcea ( 38 Km.)
|
Día 26 d'Ochobre 2002
Un llugar de lo más emblemáticu y turísticu d'Asturies. Ruta per ún de los conceyos más extensos(Cangas del Narcea).Ye mui apropiá pala bici de montaña (hai que puxar
algo pela bici al chombu) y tién 38 Km. dellonxitú.
Aniciamos el percorríu en Monasteriu d'Ermu per una pista minera pa llegar hasta Les Brañes del Narcea. Equí coyemos un camín na más cumbrar a la manzorga.
Non hai más que seguir el camín hasta llegar al cruce con el ríu, al pasalu hai que dir buscando un desvíu que hai a la manzorga, pa empobinar per el y
tras llargu camín de subía, dexando sempe el colláu a la mandrecha, llegar a les Llagunes de Chauchina.(ye sitiu de muncha agua y de tirar per la bici a mano).
Chauchina
|
Ya en Chauchina, merez la pena haber venío. Cerca del desagüe de la llamarga y en zig zag coyemos una pista que baxa a la manzorga (oeste) pa llegar al Collau de Zarza.
(Otra siatá de subía). Desde equí anicia un descensu llargu y pronunciau hasta'l pueblu de Xiyón. Baxamos siguiendo la pista y dexando a la
manzorga un ramal que nos alcontramos pasando les Brañes de la Filtrosa.
En Xiyón, na mas entrar nel pueblu,se sigue de frente per el camín del cementeriu.
Pasau ésti hai que coyer un camín que baxa hasta cerca de la carretera nuna curva y equí enganchar un
camín llenu de artos pa subir hasta un campu de futbol.
Pasáu'l campu fútbol, llegamos a la ermita de La Magdalena, que tá situada nun colláu de mui bones
vistes panorámiques.Lluego pasamos Tresmonte.
Seguimos la pista en llixeru ascensu ente dos valles per el filu del cordal. Nun hai perdida si seguimos
per la cume. Pasamos per el Picu'l Cuervu, onde hai una antena y si güeyamos pa abaxo, alcontramos la ermita
de San Gervasio, llugar onde se celebran les romeríes.
Agora toca un llargu descensu sin dexar la cume hasta enrriba mismo de Cangas del Narcea.
La llegada, déxanos per una caleya en zig-zag nel puente antiguo.
|
Ruta Cordal de Rozamayor- Mieres.
|
Pará pa la semeya
|
Grupu Poco a Poco. Mieres,2001
Ye un itinerariu que se desarrolla a lo llargo de 40,5 Km., necesitando un tiempu 3h 40 minutos. El percorríu anicia nel"Paseu Fluvial de Mieres",ente la estación de la Renfe nel puente Siana,
discurriendo el primer tramu a lo llargo del paseu hasta Santullano.Dende ahí coyemos la comarcal con direición a Uxo y dende equí dirixímosnos a Figareo pela carretera nacional
hasta’l cruce cola comarcal del Valle Turón, subiendo hasta’l centru de Turón per carretera.
El 2º tramu va desde Turón hasta Entrerríos. Ye una subía de 7,3 Km.,con una pendiente media del 2%, con dalgunos repechos al rodiu’l 5%. Na
Vegona y en Entrerríos alcuéntranse ubicáes sendes fuentes d’agua potable.El 3º tramu qu’entama n’Entrerríos, ta pindio en tornu a un 6% de media.
Esti tramu fina n’Urbiés.
El 4º tramu ye’l d’ascensión más dura, afrontando nel so aniciu la “Cuesta de la Ilesia”, con un desnivel del 9% y una llonxitú de 100 metros. El restu’l camín hasta llegar
al cruce, tá compuestu por una subía media del 6%. El 5º tramu, entama nel cruce y va hasta l’altu La Faya, a lo llargo de 2 Km. de percorríu con
una subía d’un 3% de desnivel. El 6º discurre per una pista ancha de 2 Km.de llonxitú y ciclable al 100% hasta llegar a La “Campa les Abeyes”.
El 8º tramu ye un itinerariu a través d’una pista a lo llargo de 7,1 Km., que mos conduz hasta l’área
recreativa de Rozamayor. Una pista que va dende l’área recreativa de Rozamayor hasta’l pueblu de Tablao de Mieres constituye el 9º tramu. L’
itinerariu ye ciclable al 100% y supón 2,2 Km. de continues subíes y baxáes. Dexando Tablao de Mieres, cuéyese una carretera asfaltá de 3 Km., que nos
lleva hasta’l pueblu de Cuarteles de Marianes. Esti 10º tramu ye un descensu per una carretera sin ná de circulación.
En Cuarteles de Marianes entama’l 11º tramu que discurre na so mayor parte per un camín empedrau, ciclable al 100%. Ye una baxá contínua d’un 6% que nos arrima hasta la Villa a la
entrada de Mieres. Una vegá realizada esta baxada, fáise un paseu pel centru Mieres pa llegar al puntu de partía nel Paseu Fluvial.
|
Circuitu Pena Rigá - Valle Cenera BTT - MI-7
|
Grupu Poco a Poco. Mieres , 2001
Llonxitú:25.7 Km.
Época recomendada: Seronda, Iviernu, Branu y Primavera.
Puntos d’agua: Hai munches fuentes, nun hai problemes d’agua. En xeneral la zona tá mui poblada.
¡Cuidáu! en branu recomiéndase en La Tazá, coyer bastante agua pues tán seques les otres fuentes.
Descripción:
Ye ún de los circuitos más duros, pues transcurre per pistes con dures pendientes. Parte del Paséu Fluvial de Mieres El primer tramu consta de 5,6 Km.
y llévanos hasta ‘l pueblu de La Coxal. Consiste en dir de Mieres con direición a Siana y Paxío pela carretera comarcal que xunta Mieres con Cenera. Tras pasar
Paxío, tómase a la mandrecha un camín hormigonau de 1500 metros, que nos pon en La Coxal. La carretera tá asfaltá, con pendiente d’un 6 % de media.
Una vez en La Coxal, enfrentámosnos al tramu más duru del circuitu y que consiste en 3.300 metros, nos qu’hai qu’acometer namás salir de la Coxal
una cuesta de 200 metros, hormigoná, que tién una pendiente del 18%, pa andar después en llano 1 Km. Hasta’l pueblu de La Tazá.
Sin falta d’entrar en La Tazá, xunto una fuente, sal a la mandrecha un camín qu’a los 200 metros bifúrcase. Esti camín tién una pendiente media
d’un 9 %. Situaos nesta bifurcación, tómase la pista que sal hacia la mandrecha y que supón una ascensión d’un 10% de media hasta llegar a Peña Rigá.
El Meruxeo |
Desde equí entamamos el siguiente tramu que nos conduz a La Campa del Tíu Vicente.Saliendo de Peña Rigá y enfrentándose a un pequeñu montículu con un 20 % de
desnivel, pa dempués baxar lixeramente hasta la falda del Monte Llosoriu. Una vez equí, coyemos la pista que sal a la manzorga y que tras percorrer 200
metros, déxanos en La Campa del Tíu Vicente. Antes de llegar a la Campa del Tíu Vicente, a unos 200 metros, alcúentrase a la manzorga una pista descendente que
constituye’l 4º tramu del circuitu y que fina nel pueblu de Villar de Gallegos, después de andar otros 2,5 Km.
Una vez nel pueblu de Villar de Gallegos y a la entrá, tómase un camín que parte hacia la manzorga, que pasa pel pueblu de Meruxeu, empedrau y con
lixeres pendientes, y al final del so percorríu sitúanos nel de Gallegos.Desde Gallegos entámase a baxar pela carretera que xunta Gallegos con lnsierto
y Cuna. Esti tramu discurre per una carretera asfaltada que nun supón ninguna dificultá y na que malpenes hai tráficu.
Una vez en Valdecuna, coxer la carretera a manzorga pa baxar a Mieres, per el Pedrosu y Paseu Fluvial.
|
Ruta Médules de La Leitosa
|
Grupu Poco a Poco. Féxose en Setiembre 2001.
La ruta aníciase nel centru de turismu rural Altu de San Bartolo nel Bierzu, asitiáu a 775 m.s.n.m. Equí, pa encomencipiar, baxamos en descensu rápidu 0,5 Km. per carretera asfaltada y
estrencha. (Dende llueu nin va ser too asina).La xente mozo ye lo primero en llegar al pueblu de Valle de Finolledo, qu'hai que crucialu pela cai real.
Síguese la carretera asfaltada y dempués d'unos 2 Km. de baxada llégase hasta el valle del ríu Ancares que crúzase per una puente romana.Equí cuéyese direición Burbia y dexando el pueblu de San
Martín de Morea atrás, aníciase una subida per una estrencha carretera que va averada al valle del Arroyu del Regatu.
Dempués de 2 Km. pásase peles ruines de la Ermita de La Virxe del Ríu y aniciamos un duru ascensu d'unos 9 Km.
que nos empobina al altu del Moxón Fríu de 1160 m. Nesti ascensu atraviésanse viesques de fayes y castañales que llevannos al pueblu
semiabandonadu de Penoselo.
Una parada pa charrar y de nuevo seguir pela estrencha carretera pa cumbrar el Puertu del Cousu onde ya ensin aliendu vamos a güeyar unes
perguapes vistes del Valle del Burbia con el picu Cuiña de 1987 m. al fondu.Nesti puntu dexamos l'asfaltu pa coyer una caleya de tierra a la manzorga que
nos lleva en subida hasta l'Altu del Moxón Fríu.
 |
Nesti sitiu aniciamos otra vez un fuerte descensu con tramos seles que van llevanos al ablucante mirador de Les Médules de la Leitosa
“Les Medulilles”, que son les mines d'oru romanes mas importantes depués de "Les Medules".Una vez dexau'l mirador, seguimos la pista que nos llevará en descensu pronunciau hasta'l pueblín
de Prau de Paradiña. Una vez pasaes les estrenches caleyes d'esti pueblín de piedra, cuéyese un desvíu a la
manzorga per pista de tierra dexando atrás un tramu asfaltado d'unos 300 m.
Síguese n'ascensu de 1,5 Km. la pista entre praos y viñes pa llegar a un pequeñu cerru desde el que-y divísase
el pueblu de San Pedro d'Olleros, que pasámoslu pel la caleya de los corredores, pa aniciar un fuerte y sinuosu
descensu d'unos 2,5 Km. que nos lleva hasta el Valle del ríu.
Síguese la carretera asfaltada, que dempués de 4 Km. de percorríu y badeando los praos y riberes arboladas del ríu déxanos al lláu del puente romanu.
Equí aníciase otru ascensu de 3 Km. que nos lleva al puntu de partía: El Altu de San Bartolo.
|
Ruta Sienda Costera. Tramu Bustio - Llanes.
|
Grupu Poco a Poco. Féxose'l 25 de Xineru 2003.
Ruta Sienda Costera cicloturística y peatonal. Códigu internacional E-9.
Tramu: Bustiu -Llanes.
Aniciamos la Sienda nel Parque de La Remansona (Bustiu), y continúa,una vez cruzada la N-634 per debaxo,
per una pista de zahorra de 3'50 m d'ancho, percorriendo los barrios de La Texera y Salcea, nuna llonxitú
de 1.500 m, hasta empalmar con un camín real que nos llevará a Pimiangu.La señalización,colocada ca 1.000 metros
la kilométrica, y en caleyes y biforcos la direccional,acompañará en tol trazáu pa evitar duldes.
Dende esi puntu d'intersección, tendremos la posibilidá de conocer les ruines del Monasteriu
Tina y La Ermita de Santu Medé.Pa ello coyeremos el camín de zahorra existente que treviesa La Ería Nueva,
y tres pasar en baxada l'ocalital de la zona de Tina, topetaremos coles ruinas del Monasteriu de Tina, antigua
construcción que conserva les sos muries(nun dexes de güeyar el cartelón informativu).
Colamos d'ehí trevesando'l regatu de Bartolo, per una pasarela de madera llaminá, y continuando
la sienda,arrodiamos el monte Las Gurizas, pa desembocar na carretera del Faru de Santu Medé, desde onde
pués llegar a la Ermita de Santu Medé y al área recreativa d'El Pindal, pa conocer les Cuevas
prehistóriques del Pindal y disfrutar d'unes panorámiques mui guapes de La Ensenada Moral.
Metíos na carretera El Faru de Santu Medé, aportaremos al Mirador del Picu de Pimiangu, dende onde la Sienda
llevarános direutamente al núcleu de Pimiangu onde tendremos unes vistes ablucantes a manzorga (valle prelitoral
a los pies del Cuera y de caberu los Picos d'Europa), y a mandrecha(rasa costera y l'horizonte marín).
Partimos de Pimiangu pela carretera llocal RD-1, cruciando per ente la vía de FEVE (Uviéu-Santander).
Seguimos camín, hasta cruzar la N-634, tres la cual xiraremos a la derecha. Continuamos per ún camín asfaltáu
y pasamos per dellante de la capiella El Cristu, pa llueu xirar a la izquierda pela RD-3.
Per ella continuaremos hasta la fin, pasando per dellante del camping El Mirador del Llavendes.
Ye entoncies cuando arreblagamos y damos a un camín que, cruciando per delantre les cuadres L'Aíhu, y
trevesando los paraxes de Serra y Teyavana, llévanos a una carretera asfaltada que desemboca en La Franca.
Enantes de llegar a la N-634 y en sin cruzala, metémonos al camín que va a Tresgrandas, pa percorrer
per él unos 1.500 m., y dexámoslu cuando alcontremos otru camín de zahorra que nos lleva a una zona
nomada La Peña.
Tras cruzar el ríu Cabra (per una ponte que ye monumentu históricu y axuntándose con la Ruta del Camín de
Santiago), coyemos el camín qu'empobina a la sierra plana de La Borbolla, hasta la carretera llocal
LLN-4, onde xiraremos a la derecha pa llegar a Buelna, cruciando los llugares del Tobiu y Llavadero.
Una vez en Buelna, coyemos un caminín que cruza la vía'l tren p'acceder a
Cobih.eru, ayalga natural que ye motivu de complacencia. Perfilando l'acantilau,
cruzamos per una ponte natural de piedra (ver
foto) pa de nuevo tornar a les sos cais en direición a la costa, y una vez cruciao nuevamente les víes
de FEVE, alcontraremos la Sienda en zahorra bien diferenciada que nos dirixirá a Pendueles.
Ya en Pendueles llevamos al llombu un total de 21.600 m de Sienda Costera.
Entrando nel puelu de Pendueles desde la N-634 topetamos cola ilesia d'Acisclo, que lluz un guapu portalón
góticu, y que nos sirve de referencia p'aniciar, 100 m. dempués, el nuevu trayeutu costeru que tién ente 2.50
y 3.00 metros d'anchu y qu'enllacia a lo so vez cola ya existente AS/GR19 procedente de Bustiu.
|
Nel mirador |
Monasteriu Tina |
Pena Tu |
Dexamos atrás el pueblu y la sienda continúa ente verdes praos ganaderos, hasta llegar a les cercaníes de la playa de Vidiagu, zona arbolada que tién un sitiu pa folgar,onde pasamos una vez cruciao la pasarela
sobre "Riega Novales".
Lo conocío comu "rasa asturiana" ye'l tarrén que permite qu'esti percorríu vaya a sin malapenas desniveles,y con gran facilidá, dando vistes a guapos pedreros, poco dempués d'abandonar la zona de la playa.
Darréu, la sienda culebrea pol interior, acercándose sin llegar a entrar nel pueblu de Vidiagu.El cementeriu de Vidiagu ye l'últimu pasu pa dexar el pueblu.
Un kilómetru de marcha más allantre alcontramosnos con ún de los efeutos más ablucantes qu'ofrez la
naturaleza nel litoral.Los "bufones". Son surtidores d'agua marino azotáo a presión a traviés de furacos na
peña pola aición kárstica de la caliza. En momentos de temporal vese un verdaderu espetáculu desde
los bufones d'Arenillas.
Enantes de llegar al siguiente pueblu la sinda treviesa el ríu Purón a 350 metros de su desembocadura, pel la
zona conocía comu "Los Puentucos" o "El Viveru". Dos kilómetros allantre entramos nel pueblu d'Andrín
pol barriu de Cabrahío.Les cases, la torre medieval (S.XI) y la playa son los puntos más interesantes d'esti
guapu pueblu.
El trazáu ente Andrín y Llanes va lladiando la sierra costera de La Cuesta, onde enriba d'ella púxose un
excelente campu de golf y tá'l mirador de La Boriza, onde podemos dir pasando pel área recreativa qu'alcontramos.
Dende'l mirador agüeyamos pa les famosas playes de Vallota y Andrín, asina como pa la rasa costera onde si
alcuentra la villa de Llanes, capital del conceyu. Al sur, acolumbramos la sierra d'El Cuera,qu'algama
los 1.315 m. nel so puntu más altu, el picu Turbina, y qu'a mou de muria natural separta la costa de los
Picos d'Europa.
Equí cabe l'alternativa d'acceder a Llanes pela carretera LLN-2, cruciando pel pueblu de Cue.La sienda,
no obstante, continúa pela fastera de la rasa hasta pasar la capiella El Cristo, pa metenos al finar en Llanes
pela Portiella. Dende equí alcanzamos la carretera LLN-2, que nos lleva a la playa de Toró. El total del
percorríu fue de 36.115 metros.
Agora anicia otra sienda nomada El Sable Toró que va hasta la playa de Puertu Chicu pa xuntar con el paséu
de San Antón, bordiando el cai.Si seguimos pala Playa del Sablón, finaremos nuestra ruta nel Paséu
de San Pedro, un paséu de yerba natural, que bordiando pedreros fainos disfrutar d'una ablucante panorámica
de la villa, la costa llanisca y el cordal d'El Cuera nel Sur.
Ruta facilitada pelos nuestros collacios y amigos Chus (LLoréo) y Sirgo.
|
Ruta pel Camín de Santiago.Tramu Mieres - Grau.
|
Grupu Poco a Poco. Mieres. Ruta pel Camín de Santiago. Mieres del Camín - Grau.Féxose'l 4 de Febreru 2006.
Itinerariu:Ayuntamientu de Mieres – La Peña – El Padrún – Olloniego – El Portazgo - Picu Llanza - Uviéu – Cai La Magdalena – Plaza del Ayuntamientu – Plaza la Catedral –
Cai Uría – Estación de RENFE – L'Argañosa – Llavapiés - San Llázaro de Paniceres – Ermita'l Carmen – Lloriana – Ponte los Gallegos - Venta'l Escamplero
- Valsera – Ermita de Santa María de Premooñu – Puerma – Ponte de Peñaflor – Vega de Grau - Villa de Grau.
Ciclabilidad: Ye total, discurriendo la mitá, mas ó menos, del itinerariu per carreteres secundaries yel restu per bones pistes y senderos.
Por ser pasu mui importante na ruta xacobea, vien el nome de la capital del conceyu,Mieres del Camín. A partir del sieglu XI, fói un de los caminos más templegada
polos pelegrinos que desde Lleón se dirixían a San Salvaor d'Uviéu.
Entamamos ya la marcha del Ayuntamientu en direición Barriu La Pasera cola Ilesia parroquial de San Xuan,templu historicista que
reemplaza a la primera parroquia románica. A la solombra extiendese'l vieyu Mieres de cases tradicionales.
Colamos de Mieres, a traviés de La Rebollada (Km 2)
con su Ilesia románica de Santa María Magdalena hoi restaurada, se sigue a Copián (Km 3), Aguilar con la ermita de La Asunción,
pa empobinar al Altu del Padrún (cota 381 m.),
que da vista al Monte Montsacro, la Sierra del Aramo y parcialmente a los valles del Nalón y Caudal.
Baxamos al encuentru del ríu Nalón na llocalidá d'Olloniego,ya en términos del conceyu d'Uviéu.
Aquí, a la vera del ríu, llocalizase un interesante conxunto históricu integrado
pola vieya ponte medieval d'Olloniego y la casatorre de los Quirós, obra de los sieglos XIV-XVI.Tras vadear el Nalón nel
Portazgo, el Camín empobina a Picu Llanza, nel conceyu de Ribera d'Arriba, y
per una calzada bellamente empedrada s'aproxima a Uviéu per La Manjoya y San Llázaro del Camín (onde hebo una malatería).
En Uviéu (Km 21),percorremos les cais de La Magdalena,,Puerta de Cimadevilla actual Arco del Ayuntamientu, C/La Rúa y C/ Platerías que desemboca na plaza
de la Catedral, onde los pelegrinos se postran, como antaño, ante la imaxe del Salvador.
Al llau de la catedral, el hospital de San Xuan, fundado nel añu 1096 pel rey Alfonso VI, dió cobixu durante sieglos a los romeros compostelanos,
qu'agora lo hallan nel albergue d'El Salvador (cai San Pedro Mestallón).
Una antigua copla medieval viva nel acerbu popular fasta güei diz:
«Quien va a Santiago y nun va a'L Salvador, visita al vasallu y no al Señor»
Dempués de la semeya na Catedral d'Uviéu (plaza d'Alfonso II el Castu) colamos
del recintu amuralláu pela Puerta de Socastiello hoi cai Argüelles, Los Estancos, seguimos peles cais de San Xuan, La Luna, Santa Clara, Independencia hacia'l Barriu de La Argañosa (antaño Llavapiés)pasando pel acueductu de
los Pilares (s.XVI).
Darréu,el siguiente finxu de referencia vamos a topalu en
San Llázaro de Paniceres (Km 23),equí hebo una malatería medieval onde s'acoyía
a lleparosos y pelegrinos amalaos. Güey solo queda la capiella en ruines..
Agora'l camín entama una riestra de xubides y baxaes pa llegar a Llampaxuga,
pasando al delláu de la capiella d'El Carmen, cuyu orixe pudiere ser una de
tantes capielles d'Änimes qu'alcontramos nel Camín, fasta Lloriana (antiguamente nomábase a ésti camín a Santiago o de Lloriana) con su Ilesia
de Santa María.
Dende Lloriana, baxamos pola
carretera hacia Faberín pa cruciar el ríu Nora (cota 100 m.)pola vieya Ponte de
Gallegos. Agota toca xubir fasta L'Altu l'Escamplero ( Km 29)
Nel Escamplero,,estaba'l Monasteriu de San Martín, (citáu per vez primera nel añu 978, y existió poco más d'un sieglu), y una alberguería u hospital de pelegrinos,.La baxada,
pente un tarmudu castañéu lleva a la mandrecha'l calce'l ríu Andallón.
Aportamos a Premoñu, onde alcuentrase l'albergue de pelegrinos conociu comu
La Portalada que contó con hospital de pelegrinos y fói edificáu nel añu 1.144, (entovía tan en pie la casa y capiella del hospital de Santa Ana.
Dende Premoñu el camín amiya a Valdunu (Km 34) pasando per Ardaxe, una antigua
casona, construyida enriba un cantu calizu, que'l camín baxa, cola ayuda d'una escalera llabrada na peña.
Ya tamos na vega del Nalón y pola marxen derecha del ríu aportamos a Puerma, L'Aracha, (per onde salimos del conceyu de Les
Regueres y entramos, anquenamái seya qu'un migayu nel de Candamu per Les Cases de la Ponte, alcanzando l'enigmáticu ponte medieval de Peñaflor, nexu físicu y mudu testigu de los
munchos acontecimientos acaecidos sobre sus vieyos arcos(Km 38).
Na ponte medieval de Peñaflor. Salimos a la carretera nacional N-634 y, con prontitud
y precaución, baxamos hacia la Ilesia parroquial de San Xuan, baxo cuyu pórticu puése facer una pequeña parada pa contemplar los restos románicos de
estie templu.
Sirvió d'asilu a los pelegrinos del Camín de Santiago, Alfonso VII cola so muyer Dña Berenguela y los sos fíos, donó'l día 22 de xunio de 1144 una tierra nel
valle d'unio (Valduno) xunto a la ponte de Peñaflor/ ponte de Peñasieve con cláusula de fundar un hospital y que'l día de San Cipriano ofreciesen tolos
años una candela grande ante'l altar de San Salvaor.
Desde la Ilesia parroquial, salimos pela vega de Grau.Comprenderemos porqué consideran a Grau despensa d'Asturies; na parte final de les veges rodeamos la finca de La Cardosa (hoi municipal), onde alcúentrase'l
Muséu Etnográficu y varios campos de deportes. Pronto salimos a la estación de FEVE y entramos nel cascu urbanu de Grau a traviés de la cai Xove y
Valdés.Cruciando darréu'l ríu Cubia entramos na villa de Grau, onde alcontramos vestixios romanos, se cree que fói pobláu por éstos.
Total de kilómetros 48.La ruta un 10, ye una maravilla.
|
Ruta Villa Feliz - Tuiza d'Arriba - Mieres
|
Ruta a través del Macizu d’Ubiñas, qu’extiéndese peles llendes de Llena, Quirós y La Babia baxa Lleonesa. Travesía perguapa pol
contraste d’altos cumes (superiores en munchos casos a los 2000 m.)y les fermoses y apacibles praderíes que les arrodien. Cabe destacar l’ausencia
total d’asfaltu hasta Tuiza d’Arriba, siendo gran parte del tarrén camín o sienda de montaña con amplies praderías. Dientro del aspeutu téunicu, señalar
el descensu de la Collá de Terreros al refuxu del Meicín, onde se recomienda tar al quite polo pindio. Si’l tarrén tá llentu o moyau, la baxada ye praúticamente
inciclable. Dende Tuiza d’Arriba, a través d’asfaltu, aportaremos a Mieres. En parte del percorríu, vamos trevesar zones de propiedá privada, onde
podemos alcontranos con abundante ganao y perros incluyíos. Recomiéndase nun molestar al ganáu (baxándonos de la bicicleta si fuora necesario) y curiáu colos perros.
En parte del recorrido, vamos atravesar zonas de propiedad privada, donde podemos encontrarnos con abundante ganado y perros incluidos. Se recomienda no molestar al ganado (bajándonos de la bicicleta si fuera
necesario) y ojo con los perros.
Villa Feliz.
Partimos d’esta llocalidá que s’alcuentra na carretera que xune l’autopista Uvieu - Lleón con Santumianu (cerca del rebalsu de Barrios de
Lluna).Una panadería que s’alcuentra al pie de carretera (xunto una parada d’autobús) serviranos de puntu de partida y referencia pa poner el nuestru cuentakilómetros
a cero. Dende equí colamos hacia’l núcleu del pueblu, ellí, alcontramos una fuente que dexaremos a la izquierda. Trevesaremos el pueblu pela marxen derecha
p’aniciar la subida que nos llevará al Valle de Panazal.
Esta subida nun tien otra dificultá que la propia pendiente que tien en dalgunos tramos. Como referencia d’orientación tenemos a nuestra mandrecha un pequeñu regatu.
Valle de Panazal y
Campolamosca. Dempués d’haber recorrío 3 Km. y superao 250m.de
desnivel, güeyamos el Valle de Panazal, que percorremos, escoltaos a la nuestra
manzorga pola sierra Los Grajos. Nun tién mayor pérdida esti tramu, pero sí
cuando nos alcontremos nel valle de Campolamosca, ye entonces, cuando güeyando
al frente, acolumbraremos un pequenu camín a mitá fastera (xusto per debaxo
del Picu "El Negrón de la Cubiella") que deberemos coyer, siguiendo
primero pel so marxen derechu (xunto a un regueru) pa coyer llueu rumbo este (per
una pradera mui pindia)a la Collada de Cuvil, pa desde ellí coyer con facilidá’l
mencionau camín. Dempués de trevesar una portiella (zona rocosa), diremos
rumbu este, hacia un requexu de cabanes (La Cubiella), y en sin llegar a elles,
cruciamos el pequeñu calce d’un ríu, onde cambiamos la direición hacia’l
oeste per un caminín que nos empobinará a Los Navares, onde
alcontraremos una fuente a la nuestra izquierda y cabaña ycuadra a la derecha.
Dempués encomencipiamos un pequenu descensu que nos lleva a la Casa de Mieres,
bordeando enantes pela derecha’l pequenu cerru de Miriu Reondu.
Puerto Pinos - Casa Mieres.
Estos terrenos, anque son xeográficamente Lleoneses, foron adquiríos pa
Mieres pol entonces alcalde Sr. Xosé Sela y Sela, nuna llicitación que tuvo
llugar el día 20 d’agostu de 1925 na ciudá de Lleón, pola cantidá de
415.600 pesetes. Equí alcuéntrase’l refuxu la Casa de Mieres, onde se
pué xintar y dormir con plena comodidá.
Vega Candioches - Puertos de Retuerto .
Tres la Casa Mieres, sal una pequeña pista (rumbu norte) que dexando a la izquierda un pequeñu banzáu llévanos
pel valle "La Cantarilla" hasta un altu, onde podemos acolumbrar les
amplies praeres de La Vega Candioches, dende equí (rumbu noroeste) per unes
rodaes poco marcaes, llegamos a una fuente -abrevaderu (zona conocida como Los
Ollones).Equí alcontramos una barrera rocosa, aparentemente poco ciclable,vamos
a la gueta d’un pequeñu camín (dexando la fuente a la nuestra izquierda) qu’en
un breve zig-zag ganará altura per un tarrén qu’en momentos obligarános a
baxanos de les nuestres bicis. Pasada ésta dificultá, llegamos a un valle
conocíu como Los Puertos de Riotuerto, onde destaquen al frente los cumales
d’Ubiña la Pequeña (izquierda) y Ubiña la Grande. Trevesamos esti valle pel
so marxen derechu, procurando nun perder altura y buscando un senderu que nos
llevará mui cerca del refuxu o Chozu (Chozu de Retuerto), que dexaremos a la
nuestra derecha pasando darreu mui cerca d’una fuente ("La Panalona"
poco visible por tar a ras de suelu) pa encarar la Collá de Terreros ( puntu más
altu la ruta) dende onde acolumbramos la mole de Pena Ubiña a la nuestra
izquierda.
Collá Terreros - Refugio del Meicín. Dende la Collá de Terreros, la vista de los cumes del macizu ye perguapa.La baxada al
refuxu del Meicín, paez menos qu’imposible, tendremos que poner tola nuestra atención y bon facer sobro la bicicleta, pa poder llegar y
cuntalo. Nos primeros metros, tendremos que caminar xunto a ella (recomendamos facer la baxada pela marxen centro-derecha) procurando
siempre buscar el tarrén más afayadizu que nos permita afrontar el descensu montaos nes nuestres bicis. (cascu obligatoriu).
El refuxu del Meicin tá asitiáu na mesma vega, y ye propiedá del Centru Cultural y Deportivu Mierense. Foí inaugurau en 1967 y ye un
bon llugar pa folgar,reponer fuercies y contemplar el descensu realizau. Colamos hacia Tuiza pela testera del valle (rumbu este) hasta
alcontrar un senderu mui marcáu que va facéi delicies a los más trialeros. En poco más de 3 Km.,baxaremos unos 700m.
de desnivel.
Tuiza d'Arriba - Pola Llena - Mieres. Una vez equí, sólo nos queda baxar pela carretera hasta la villa Pola Llena, y una
vez ellí coyer la carretera comarcal en direición a Mieres.
|
Ruta pelos Conceyos de Nava y Piloña.
|
Puntu de salida de Fuensanta (240 m.). Nesta localidá ta allugáu'l Palaciu - Casa Fuerte de la Ferreira (s. XIV). L'edificiu,
ta declaráu Monumentu Hestóricu Artísticu.
Fói construyíu polos Álvarez de les Asturies, consta d'una torre de planta circular de cuatro pisos.
Ponemos marcheta hacia Piloñeta p'aniciar el descensu a Prá onde anicia'l ascensu que tras pasar per Les Alcantarilles llega a la majada Les Praeres,
en plena sierra de Peñamayor, onde existe un bar-merenderu al pie del picu Varallonga (862 m.) y del Reondu. Dempués solo hai que dexase llevar pista abaxo.(cuidadín
rayoninos)
A la izquierda del percorríu, dexamos los picos Verdes y frente a nosotros irá apareciendo a
lo fondero la montaña de Piloña.
Llegamos a Puente Miera, na carretera que de norte a sur va desde L'Infiestu a la Collada d'Arniciu.
Colamos en direición a Belonciu (310 m.), pueblu de referencia na zona del conceyu de Piloña, ente los ríos de La Marea y Cuerrias.
Belonciu tá rodeau d'un relieve montañosu y enclavado nun perguapu valle. Na Ilesia de San Pedro de Belonciu, consérvase una pila bautismal de traza románica.
Ya nun queda muncho (unos 5 Km.) p'atopanos cola localidá de L'Infiestu, capital del conceyu de Piloña.
(Lo meyor les ablanes).
Cruciamos la capital y tomamos direición de La Villa Riba y salir del Conceyu de Piloña pa entrar de nuevo per Carancos nel Conceyu de Nava.
 Empobinamos fasta Cecea, pueblu situado no alto d'una colina, onde güeyamos los verdes valles y los montes de Peñamayor. Vemos entrañables viviendes
asturianes con sus hórros y cases d'indianos d'estilu colonial, feches por emigrantes que ficieron perruques n'América.
Pa xintar nun ta mal, los escabecheros (así se noman a los oriundos de Cecea) ya que tienen bones: boroñes, casadielles, rosquilles, tortos, fayuelos (estos pa Gonzalo), asina
comu les fabes con chorizu, tocín y morciella, acompañadas de la bona sidra de Nava.
La ruta ta finando y llegamos a l'aldea de Tresali (263 m.), onde antiguamente teníamos unos restos de un torreón medieval (Too lo perdemos). Dexamos atrás Tresali y buscamos de nuevo'l
camín de Fuensanta, onde paramos pa xintar y poner fin a la ruta.
|
Ruta
|
Grupu Poco a Poco. Mieres
|
Ruta
|
Grupu Poco a Poco. Mieres
|
