Descripción

Ruta peles Foces del Ríu Infiernu (Coceyu de Piloña).

Itinerariu: Collada Arniciu - Colláu Llagu Ovia - Braña Nueva - La Felguerina - Foz de Moñacos - Foces del Infiernu - Espinaredo - L'Infiestu

Esta ruta, l'aniciamos nel Conceyu de Piloña, asina que colamos n'autobús haza La Collada Arniciu, situada a unos 20 Km.d'Infiesto.

Equí coyemos un carreru nel altu del Colláu y en llano aportamos a un regatu. Lluego la senda llévanos per unes cabanes pa llegar a Los Collaos.

Esti tramu nun ye mui bicicleteru.Una vez en Los Collaos, empobinamos per una pista que vien del pueblu de Nieves. Ye una cuesta pindia que surca el monte La Guariza. El camín de Les calzaes, ye ampliu y empedráu y llega fasta'l collau Llagu Ovia, equí entovía hai ruines de una antigua cabana y vemos una expléndida panorámica de Casu y Piloña.

Dempués de pasar un regatu, coyemos un carreru pa ir a Braña Nueva.D'equí marchamos trevesando'l collau pa La Felguerina, onde na cume d'un cuestu collúmbrese un refuxu de cazadores. Trevesamos el cuestu per enrriba del refuxu y baxamos hacia les Foces de Moñacos.

Hai que baxar una cuesta mui pindia y p'ente felechos pa llegar a un camín que cruza les Foces, y asina entrar mas abaxo en les Foces del Ríu Infiernu.

Equí trevesamos varios pontes sobre'l ríu Infierno y casi sin danos cuenta tamos nun área recreativa nomada La Pesanca. Bon llugar pa'l descansu y xintar el bocadillu. Esto ye una pradera de robles, castaños y fayes, encaxoná ente les sierres de Aves, Giblaniella y Trallán. Tamién cuenta con l'arboretu de Miera, una zona boscosa poblada d'especies autóctones. Bueno, ya s'acabó la pista y agora anicia un tramu per carretera d'unos 10 Km. que nos llevará a Riofabar, Espinaréu y a lo cabero L'Infiestu.

Hai que parar p'agrupase, pues el descensu fízose rápidu y dalgunos quedáronse atrás, otru pinchó y hai que esperalos, pués tan paraos reparando la bici. Ya tamos tos de nuevo y ya vemos les "máquines" dalgunos de los integrantes del "Grupu Poco a Poco". Pa Reyes Mario va pediyos frenos de discu alante. El chupitu vamos quitalu pa otra ruta.........

Total de kilómetros 48.La ruta un 10, ye una maravilla.